Football Benchmark индекси бўйича Европанинг 21 ёшгача бўлган энг яхши футболчисига бериладиган “Golden boy– 2024” совринига даъвогар рўйхати эълон қилинди.
Ушбу рейтинг истеъдодли ёш футболчиларнинг 2023 йилнинг 3 октябридан бугунга қадар қайд этган кўрсаткичлари асосида шакллантирилган.
Ҳозирда ушбу рейтингда “Барселона”нинг 16 ёшли испаниялик юлдузи Ламин Ямал етакчилик қилмоқда.
“Ланс” жамоасида ишончли ўйин кўрсатаётган Абдуқодир Ҳусанов ҳам рейтингдан ўрин олган. Унинг бу рейтингдаги индекси 61,4га тенг ва у бу кўрсаткич бўйича 73 ўринни эгаллаб турибди.
Рейтинг етакчиси Ламин Ямал 91.9 индекс кўрсаткичига эга. Ундан кейинги ўринларда португалиялик Жоао Невес (91.2) ва “Манчестер Юнайтед” футболчиси Гарначо (90) жой олган.
Golden boy Football Benchmark индекси 2024 йил учун 2004 йил ёки ундан юқори бўлган йилда туғилган, UEFA рейтингидаги энг юқори 25 чемпионатда ўйнайдиган номзод футболчиларни саралаб, 100 спортчидан иборат рейтингни шакллантиради.
Изоҳ (0)