Ўзбекистон ташқи ишлар вазири Бахтиёр Саидов Уммон ҳамда Кувайт ташқи ишлар вазирлари билан учрашувлар ўтказди. Бу ҳақда вазирнинг Telegram-каналида хабар берилди.
Маълум қилинишича, Уммон ташқи ишлар вазири Бадр Albusайдий билан ўтказилган учрашувда ҳам минтақавий, ҳам глобал вазиятга тўхталиб ўтилди.
“Ўзбекистон билан Уммон ўртасида инвестициядан тортиб маданий ҳамкорликкача бўлган кўплаб соҳаларда алоқаларимизни янада ривожлантириш учун улкан салоҳият мавжудлигини алоҳида таъкидладик. Ташқи ишлар вазирликларимиз ўртасида 2024—2026 йилларга мўлжалланган ҳамкорлик дастурини имзоладик”, – дейилади хабарда.
Шунингдек, Бахтиёр Саидов Кувайт ташқи ишлар вазири Абдуллоҳ Али ал-Яҳё билан ҳам учрашув ўтказди.
“Мулоқотда ҳамкорлигимизнинг ҳуқуқий асосларини мустаҳкамлаш, инвестициявий алоқаларни кенгайтириш, барча соҳаларда алмашинувларни жадаллаштириш масалаларини муҳокама қилдик. Мамлакатларимиз ўртасида муносабатларни ҳар томонлама ривожлантириш учун ҳали фойдаланилмаган улкан имкониятлар мавжуд. Шунингдек, Ўзбекистон ва Кувайт ташқи ишлар вазирликлари ўртасида 2024—2026 йилларга мўлжалланган ҳамкорлик дастурини имзоладик”, – дейилади хабарда.
Изоҳ (0)