АҚШ президенти Жо Байден Исроил бош вазири Бенямин Нетаньяху билан телефон орқали суҳбатда Исроил кечаги тунни ўзининг “ғалабаси” деб ҳисоблаши кераклигини айтди. Бу ҳақда АҚШ маъмурияти ахборортига таяниб, CNN хабар берди.
Байден Эроннинг деярли барча зарбалари қайтарилганига ишонмоқда.
Исроил бугунги оқшомни ғалаба деб ҳисоблаши керак, чунки АҚШнинг ҳозирги баҳосига кўра, Эроннинг ҳужумлари кўп жиҳатдан муваффақиятсиз бўлган ва Исроилнинг юқори ҳарбий салоҳиятини намойиш этган, — дея CNN Байден нутқидан иқтибос келтирган.
Бунгача Байден Эроннинг Исроил ҳудудига ҳужумларини кескин қоралаган ва унинг кўрсатмаси билан ўтган ҳафта АҚШ ҳарбийлари иттифоқчи мудофаасини қўллаб-қувватлаш учун минтақага самолёт ва эсминетларни жойлаштирганини тан олган эди. Президент, шунингдек, Эрон ҳужумига биргаликда дипломатик жавоб беришни мувофиқлаштириш учун 14 апрель куни G7 етакчиларини чақиришга ваъда берган.
Аввалроқ Қўшма Штатлар иттифоқчилар билан Исроилнинг Эрон зарбаларига жавоб чораларини мувофиқлаштиришни маълум қилганди.
Изоҳ (0)