Фарғона вилояти Фарғона шаҳрида яшовчи 26 ёшли (аёл) А.С. ариза билан мурожаат қилиб, Telegram’да номаълум шахс банк картасидаги 4 млн 570 минг сўмни фирибгарлик йўли билан ўзлаштирилганлигини маълум қилган. Бу ҳақда Киберхавфсизлик маркази хабар берди.
Маълум қилинишича, ўтказилган тезкор-қидирув тадбирлари натижасида мазкур жиноятни Андижон вилояти Андижон шаҳрида яшовчи 22 ёшли Ж.Р. содир этганлиги аниқланган.
Гумонланувчи сифатида тергов органларига жалб этилган Ж.Р. Telegram орқали жабрланувчи А.С. билан танишиб, унинг аёллар кийим-кечакларини сотиб беришга келишиб, олдиндан 4 млн 570 минг сўм пулларини банк картасига ўтказдирган. Шундан сўнг ваъдасини бажармасдан, ёзишмаларни ўчириб юборганлиги маълум бўлди.
Мазкур ҳолат юзасидан ЖКнинг 168-моддаси 3-қисми “б, г” банди (ўғрилик қонунга хилоф равишда (рухсатсиз) ахборот тизимига кириб ёки ундан фойдаланиб; фирибгарлик ахборот тизимидан, шу жумладан ахборот технологияларидан фойдаланиб содир этилган бўлса) билан жиноят иши қўзғатилиб, Ж.Р.нинг содир этилиб, фош этилмай қолган бошқа шу турдаги жиноятларга алоқадорлигини текшириш мақсадида тергов, тезкор-қидирув ҳаракатлари давом эттирилмоқда.
Изоҳ (0)