Сауль Авалрес—Ҳайме Мунгия қарама-қаршилиги бўлиб ўтадиган оқшомнинг асосий кард жанглари маълум бўлди

Ўзбекистон вақти билан 5 май тонгида АҚШнинг Невада штати Лас-Вегас шаҳрида навбатдаги профессионал бокс кечаси бўлиб ўтади. 

Оқшомнинг марказий жанги иккинчи ўрта вазн (76,2 кг) тоифасида мутлақ жаҳон чемпиони, мексикалик Сауль Алварес (60-2-2, 39 КО) ҳамда унинг мағлубият нималигини билмай келаётган ватандоши Ҳайме Мунгия (43-0, 34 КО) ўртасида кечади. Ташкилотчилар ушбу турнирнинг пуллик транслясия қиланадиган жанглар рўйхатини ошкор этди. 

Табиийки, рўйхатнинг биринчи поғонасида мексикаликлар ўртасидаги марказий жанг турибди. Иккинчи ўринда ярим ўрта вазнда (66,7 кг) вақтинчалик WBC чемпиони, америкалик Марио Барриос (28-2, 18 КО) ҳамда аргентиналик Фабиан Майдана (22-2, 16 КО) жанги турибди.

Оқшом доирасида ярим енгил вазн (57,2 кг) тоифасида вақтинчалик WBC чемпиони, америкалик Брендон Фигероа (24-1-1, 18 КО) ватандоши, иккинчи енгил вазнда собиқ жаҳон чемпиони Жесси Магдаленога (29-2, 18 КО) қарши рингга кўтарилади.

Ярим ўрта вазн (66,7 кг) тоифасида WBA Regular чемпиони, литвалик Эймантас Станионис (14-0, 9 КО) икки йиллик танаффусдан сўнг рингга қайтмоқда. 2022 йилнинг апрель ойида ҳозирча сўнгги жангини ўтказган Эймантас 5 май тонгида венесуэлалик Габриэль Маэстре (6-0-1, 5 КО) билан тўқнаш келади.

Айнан мана шу жанглар Канело — Мунгия оқшомининг пуллик PPV-кардидан ўрин олди.