Silk Avia Бухоро – Урганч – Бухоро йўналиши бўйича янги тўғридан тўғри авиақатновларни ишга туширишини мамнуният билан эълон қилади. Ушбу авиқатнов эса 13 апрель куни амалга оширилади. Бу, Ўзбекистоннинг икки муҳим тарихий-маданий шаҳарлари ўртасида тез ва қулай сафар қилишни афзал кўрган йўловчилар учун муҳим воқеадир.
Илк авиақатнов 13 апрель куни амалга оширилади, 4 майдан бошлаб эса авиақатновлар ҳар шанба куни мунтазам асосда амалга оширилади. Парвоз давомийлиги атиги 1 соат-у 15 дақиқа бўлиб, бу ҳудудлар ўртасидаги саёҳат вақтини сезиларли даражада қисқартиради ва пойтахт орқали парвоз қилиш заруратини бартараф этади.
Янги йўналиш сайёҳларга Ўзбекистоннинг маданий ва тарихий меросини ўрганиш имкониятини тақдим этади. Бухоро ва Урганч ўзининг ажойиб меъморчилик ёдгорликлари билан танилган ва ЮНЕСКО нинг Бутунжаҳон маданий меросининг қисмидир. Меҳмонлар қадимий Бухоро шаҳрининг гўзаллигини, унинг мадраса, миноралари ва саройларидан завқланиш имкониятига эга бўладилар, шунингдек, Хива шаҳридаги ноёб тарихий марказни зиёрат қилишлари мумкин.
Бухородан Урганчга бориш ва қайтиш авиақатновлари ҳудудлар ўртасидаги авиация алоқаларини ривожлантириш учун янги имкониятлар яратиб, мамлакат ичидаги иқтисодий ва туристик алоқаларни мустаҳкамлашга хизмат қилади.
Чипталарни silk-avia.com расмий сайти, компаниянинг мобил иловаси, Ўзбекистоннинг барча халқаро аеропортларида, шунингдек, Uzbekistan Airways Салес филиалларида харид қилиш мумкин.
Авиақатновлар жадвали, тарифлар ва хизматлар ҳақида батафсил маълумот silk-avia.com сайтида мавжуд. Биз билан бирга Ўзбекистон осмони бўйлаб ажойиб саёҳатга қўшилинг!
Реклама ҳуқуқи асосида.
Изоҳ (0)