Футбол бўйича Ўзбекистон Суперлигасида март ойининг энг яхши мураббийи аниқланди.
Овоз бериш якунларига кўра, “Андижон” жамоаси бош мураббийи Александр Хомяков ой мураббийи деб топилди.
“Бургутлар” ўтган ой Суперлигада 4 ўйин ўтказди. Жамоа “Бунёдкор” ҳамда “Сурхон”дан устун келган бўлса, “ОКМК” ва “Насаф” билан дуранг ўйнади.
Ушбу соврин учун Хомяковдан ташқари Виталий Левченко (“Нефтчи”), Александр Стоймирович (“Локомотив”), Жамшид Саидов (“Қизилқум”), Миржалол Қосимов (“ОКМК”) ва Рўзиқул Бердиев (“Насаф”) каби мураббийлар номзоди қўйилганди.
Изоҳ (0)