19 февралда бошланган Европа Иттифоқининг Қизил денгиздаги кемаларни ҳимоя қилиш бўйича “Аспидес” номли миссияси аъзолари 68 та кемани кузатиб, 11 та ҳужумни қайтарди.
Бу ҳақда Европа Иттифоқининг ташқи ишлар ва хавфсизлик сиёсати бўйича олий вакили Жозеп Боррел Брюсселдаги матбуот анжуманида маълум қилди.
“Операция бошланганидан кейин икки ойдан камроқ вақт ичида 68 та кема қўриқлаб, кузатиб қўйилди ва 11 та ҳужум қайтарилди”, — деди у.
Боррелнинг сўзларига кўра, ҳусийлар навигация эркинлигига тўсқинлик қилгани учун Европа Иттифоқи Қизил денгиздаги вазиятга аралашишга мажбур бўлган. Унинг таъкидлашича, савдо таҳдид остида қолиб, юк ташиш нархи ошган.
“Масалан, Хитойдан Европага денгиз орқали борадиган контейнер нархи икки баравар ошди”, деб тушунтирди у ва “вазиятга аралашиш зарур эди”, деб таъкидлади.
Боррел, шунингдек, Европа Иттифоқи миссияси соф мудофаа эканлигини ва ҳусийларга қарши ҳеч қандай операция ўтказмаслигини айтди.
Изоҳ (0)