Словакия давлат сайлов комиссияси шанба куни бўлиб ўтган президентлик сайловларида Миллий кенгаш (парламент) спикери, “Овоз — социал-демократия” партияси етакчиси Питер Пеллегрини ғалаба қозонганини расман тасдиқлади. Бу ҳақда Словакия телевидениеси хабар берди.
Пеллегрини президентлик сайловларида 53,12 фоиз овоз олди. Унга 1 миллион 409 минг 255 киши овоз берди.
Пеллегринининг рақиби, собиқ Словакия ташқи ишлар вазири Иван Коркок 1 миллион 243 минг 709 нафар сайловчининг (46,87 фоиз) овозини тўплаган. Сайловда жами сайловчиларнинг 61,14 фоизи иштирок этди.
Изоҳ (0)