7 октябрда можаро авж олгандан бери Исроил мудофаа кучлари Фаластиннинг ҲАМАС ҳаракати билан жангларда 604 кишини йўқотди.
Бу ҳақда армия матбуот хизматининг расмий баёнотида айтилади.
Сўнгги маълумотларга кўра, ўтган шанба куни Ғазо секторида яна тўрт нафар исроиллик аскар ҳалок бўлган. Барча йўқотишлар Ғазонинг жанубида қайд этилган.
Ғазода қуруқликдаги операция бошлангандан бери эса Исроил армияси 260 кишини йўқотган.
Яқин Шарқдаги вазият 2023 йил 7 октябрь куни Ғазо секторидан Исроил ҳудудига ҲАМАС жангчиларининг кириб келиши, чегарадаги аҳоли пунктлари аҳолисининг ўлдирилиши ва 200 нафардан ортиқ одам гаровга олинишидан кейин кескин ёмонлашди.
Исроил томони бунга жавобан ҳозиргача давом этаётган “Темир қиличлар” операцияси бошланганини эълон қилди.
Изоҳ (0)