Буюк Британия эҳтимолий ҳарбий ҳаракатларга тайёр эмас, тайёргарлик кўриш учун ҳозирча бунга эҳтиёж ҳам йўқ.
Бу ҳақда мамлакат мудофаа вазири ўринбосари Жеймс Хиппи The Telegraph нашрида чоп этилган мақолада маълум қилган.
“Уруш ҳақидаги гап-сўзларнинг ортиб бораётгани хавотирли бўлиб туюлиши мумкин. Аммо биз учинчи жаҳон уруши ёқасидамиз, деб ўйламайман. Мен мудофаа вазири Грант Шаппснинг Украинадаги можаро бошланганидан бери биз Совуқ урушдан кейинги даврга ўтганимиз ҳақидаги гапларига қўшиламан”, — дейди Хиппи мақолада.
Унинг сўзларига кўра, худди ҳовлидаги ўйин майдончасида бўлгани каби, урушни қўзғатиш учун ҳам худди шундай қоидалар қўлланади: сиз ғалаба қозонишингизга ишончингиз комил бўлмаганда жангга кирмайсиз. Хиппи стратегик мустаҳкамлик Буюк Британия суверенитетининг асоси эканлигини таъкидлади.
“Суверенитет бу — бошқа давлатлар мажбурлашисиз ўз танловимизни амалга ошириш қобилиятидир. Суверенитетни ушлаб туриш учун чидамлилик керак”, — деди Жеймс Хиппи.
Изоҳ (0)