Аббосбек Файзуллаев гол урган ўйинда “ЦСКА” “Факел” устидан йирик ҳисобда ғалаба қозонди (видео)

Футбол бўйича Россия Премьер Лигасининг 23-турида “ЦСКА” ўз майдонида “Факел”га қарши баҳс олиб борди.

Учрашувнинг 36-дақиқасида Мусаев ҳисобни очди. Биринчи бўлим москваликларнинг кичик ҳисобдаги устунлиги билан якунланди. 

Иккинчи бўлимда Обляков ҳисобни ишончли кўринишга олиб келди. 75-дақиқада эса ўзбекистонлик футболчи Аббосбек Файзуллаев ажойиб зарба билан “ЦСКА”нинг учинчи голига муаллифлик қилди. 

Шундан сўнг жамоалар яна бир мартадан дарвозаларни ишғол қилди ва якуний ҳисоб 4:1 кўринишига келди.

Аббосбек ўйиннинг 85-дақиқасида захирага олинди.

Ушбу ғалабадан сўнг Москва клуби очколари сонини 36 тага етказиб, турнир жадвалида 4-ўринда бормоқда.

РПЛ

23-тур

7 апрель, якшанба

“ЦСКА” – “Факел” 4:1

Голлар: 1:0 – 36 Мусаев, 2:0 – 60 Обляков, 3:0 – 75 Аббосбек Файзуллаев, 4:0 – 90 Чалов, 4:1 – 90+4 Черов.

“ЦСКА”: Акинфеев, Гайич, Мойзес, Дивеев, Виллиан Роша, Агапов (Хелвен, 79), Зделар, Обляков (Глебов, 89), Аббосбек Файзуллаев (Мендес, 85), Давила (Чалов, 79), Мусаев (Заболотний, 79).

“Факел”: Беленов, Черов, Юрганов, Сенхажи, Мастерной (Калинин, 46), Магал (Багателия, 75), Алшин (Моспан, 66), Квеквескири, Багамаев (Селе, 46), Марков (Акбашев, 46), Аппаев.

Огоҳлантиришлар: Гайич (53), Виллиан Роша (73).