Германиядаги компанияга 100 нафар қашқадарёлик ёшларни ишга қабул қилиш борасида дастлабки келишувларга эришилди. Бу ҳақда Ташқи меҳнат миграцияси агентлиги хабар берди.
Унга кўра, Қашқадарё вилояти ҳокими ўринбосари А.Қобилов бошчилигидаги делегация аъзолари Германияда бўлиб, Штайнбах-Ҳаллен шаҳри ҳокими Маркус Боттчер билан ҳамкорлик йўналишларини муҳокама қилди. Вилоятда ижтимоий соҳалар, хусусан, таълим, ташқи меҳнат миграцияси, касб-ҳунар, тиббиёт каби йўналишларда Ўзбекистон-Германия қўшма лойиҳаларини амалга ошириш, Германиянинг илм-фан, касбий таълим, хорижий тиллар ва бошқарув соҳаларида илғор тажрибаларини ўзлаштириш ва Қашқадарёда жорий этиш ҳамда меҳнат миграцияси соҳасидаги ҳамкорликни янада кенгайтириш мақсадида икки томонлама музокаралар ўтказилди.
Шунинигдек, Hehnke компанияси билан ўтказилган учрашувда ўзбекистонлик ёшлар ҳам Ausbildung дастури бўйича ўқиши, меҳнат қилиши ва тажрибага эга бўлиши мумкинлиги алоҳида таъкидланиб, халқаро ҳамкорлик доирасида музокаралар ўтказилди.
Учрашувда 2024/2025 йиллар давомида Hehnke компанияси 100 нафар қашқадарёлик ёшларни Ausbildung дастури бўйича ўқиш ва ишга қабул қилиши борасида дастлабки келишувларга эришилди.
Изоҳ (0)