Ўзбекистонда ҳам “Овоз” телелойиҳаси ўтказиладиган бўлди. Бу ҳақда Маданият вазирлиги матбуот хизмати хабар берди.
Маълум қилинишича, Ўзбекистон ушбу телелойиҳани намойиш этиш ҳуқуқини қўлга киритган дунёдаги 76-мамлакатга айланди.
Лойиҳа Ўзбекистондаги иқтидор эгаларини аниқлаш ва саралаш имконини берувчи платформага айланади ва Маданият вазирлиги гарчи ғолиб бўлиш насиб этмаган бўлсада, лойиҳа орқали назарга тушган истеъдодларнинг кейинги фаолиятига ғамхўрлик кўрсатишни йўлга қўяди.
Лойиҳада бир мавсум 4 ой давом этади. Ҳар бир мавсум ғолиби KIA автомобили билан тақдирланади. Финалчилар билан продюсерлик шартномалари тузилади, овоз ёзиш студияларида қўшиқлари бепул ёзиб берилади, мусиқий альбомларини чиқаришларига кўмаклашилади. Болалар учун алоҳида телешоу ташкил этилади.
Ўзбекистон ва Қорақалпоғистон халқ артисти Озодбек Назарбеков, Ўзбекистон ва Татаристон халқ артисти Фаррух Зокиров, Ўзбекистонда хизмат кўрсатган артистлар Севара Назархон ҳамда Тоҳир Содиқов телешоуда мураббийлик қилиади.
Лойиҳада ёши, миллати, тили, ижтимоий мансублиги, мусиқий билим бобида профессионал билимга эга ёки ҳаваскорлигидан қатъий назар барча иштирок этиши мумкин.
Изоҳ (0)