Интернетда тўйига Apple Vision Pro кўзойнагини тақиб келган куёвнинг суратлари муҳокамаларга сабаб бўлди

Ижтимоий тармоқларда АҚШнинг Юта штатидаги тўйдан олинган суратлар тарқалди. Уларда Жейкоб Райт исмли куёв тўйга янги Apple Vision Pro кўзойнагини тақиб келгани тасвирланган.

Ушбу ноодатий тўй фотосессияси ғояси куёвга Х ижтимоий тармоқ сабабли келган, деб ёзади Fox News. Жейкоб айтичиша, Apple кўзойнаклари билан суратлар Интернетда трендга айланди ва тўйни Apple Vision Pro билан ўтказиш фикри куёвга қизиқ туюлди.

“Суратчига ҳам бу ғоя ёқди ва у буни дунёдаги энг кулгили фотосессия бўлади”, — деди.

Бундан ташқари, Жейкобда кўзойнак орқали биринчи шахс томонидан видео олиш имконияти бор эди.

Бироқ ижтимоий тармоқларда кўпчилик фойдаланувчилар келинга ҳамдардлик билдирган ва куёвнинг бундай ҳаракатини худбинлик ва гўдаклик деб аташган. Фойдаланувчилар келин расмларига қараганда, куёвнинг ишидан мамнун эмас деган қарорга келишган. Фотосуратлар тармоққа жойлаштирилгандан сўнг, келин ҳозироқ ундан ажрашиши лозимлиги мазмунида юзлаб хабарлар ола бошлаган.

“Мен бегона қизлардан келган икки юздан ортиқ хабарлардан уйғониб кетдим”, — деди Жейкобнинг рафиқаси Кембри Райт.

Суратларда Кембрининг юз ифодаси бир оз хафа ва норозидек туюлган. Аслида эса келин шунчаки совқотганидан кўриниши шундай бўлганини таъкидлади. Шунингдек, тармоқдаги бошқа суратларда келин-куёв жуда бахтли эканлиги яққол кўриниб турибди:

Ёш оила бўлиб ўтган тўй маросимидан жуда мамнун эканлигини ва интернетдаги турли шарҳлар уларнинг кайфиятини туширмаганини айтишди.