Нигерия маҳаллий аҳолиси 300 га яқин мактаб ўқувчисини ўғирлаган жиноий гуруҳ 1 миллиард наира (621 848 доллар) талаб қилаётганини, талаб бажарилмаса барча болаларни ўлдириш билан таҳдид қилганини айтди. Бу ҳақда CNN хабар берди.
Улар менга 12 март куни яширин рақамдан қўнғироқ қилиб, ўқувчиларни қайтариш эвазига 1 миллиард наира талаб қилди. Улар болалар ўғирлаб кетилган кундан бошлаб уч ҳафта давомида кутишини, агар ҳукумат чора кўрмаса, ҳаммасини ўлдиришини айтишди, — дейди Курига қишлоғида яшовчи Амину Жибрил.
Жиноятчилар мазкур ўғирлик орқали тўда аъзоларини ўлдирган ҳукуматдан ўч олганини ҳам айтган.
300 дан ортиқ ўқувчи 7 март куни эрта тонгда мототциклда қуролланган гуруҳлар томонидан ўғирлаб кетилган эди. Баъзи ўқувчилар қўйиб юборилган, улардан 287 нафари жиноий тўда қўлида қолган. Асирга олинганларнинг 100 га яқини бошланғич синф, қолгани эса ўрта мактаб ўқувчилари.
Нигерия президенти Бола Тинубу хавфсизлик кучларига ўтган ҳафта шимоли-ғарбий Кадуна штатидаги мактабдан ўғирлаб кетилган 300 га яқин ўқувчи ва ходимларни озод қилиш учун тўлов тўламасликни буюрган.
Тинубу хавфсизлик идораларига ўғирлаганларни ҳеч қандай тўловларсиз озод қилишни таъминлашни буюрган, — деди 13 март куни мамлакат ахборот вазири Муҳаммад Идрис журналистларга.
Изоҳ (0)