Ўзбекистонда савдо соҳасидаги корхоналар томонидан 2023 йилда 20,3 триллион сўмга яқин солиқ тўлангани маълум бўлди.
Хабар берилишича, 2023 йил январь—декабрь ойларида савдо фаолияти билан шуғулланувчи 151 340 та юридик шахс томонидан 20,3 триллион сўмга яқин солиқ тўланган. Шундан 1,8 триллион сўми, яъни 8,8 фоизи 20 та корхона ҳисобига тўғри келади. Уларнинг жами товар айланмаси 42,9 триллион сўмни ташкил этган, қўллаган солиқ имтиёзлари миқдори эса 759,1 миллиард сўмга етган.
Ушбу 20 та солиқ тўловчи томонидан таъминланган тушумлар солиқ турлари кесимида:
- ҚҚС — 641,4 миллиард сўм;
- фойда солиғи — 430,9 миллиард сўм;
- ЖШОДС — 269 миллиард сўм;
- акциз солиғи — 233,9 миллиард сўм;
- ижтимоий солиқ — 123,3 миллиард сўм;
- мол-мулк солиғи — 23,4 миллиард сўм;
- ер солиғи — 12,2 миллиард сўм;
- бошқа солиқлар — 45,1 миллиард сўм.
Изоҳ (0)