Ўзбекистонда 2024 йилнинг ўтган даврида табиий газ ва электр энергиясидан ноқонуний фойдаланилиши натижасида давлат манфаатларига жами 215 млрд 648 млн сўм зарар етказилган. Бу ҳақда АОКАда ўтказилган брифингда “Ўзэнергоинспекция” ахборот хизмати раҳбари Наврўз Норбобоев маълум қилди.
Маълум қилинишича, 2024 йилнинг шу кунига қадар 2 156 та истеъмолчи томонидан табиий газ ва электр энергиясидан ноқонуний фойдаланиш ҳолатлари аниқланган.
Хусусан 88 млн 529 минг метр куб табиий газ (132 млрд 701 млн сўм) ва 77 млн 366 минг киловатт-соат электр энергиясидан (82 млрд 948 млн сўм) ноқонуний фойдаланилиши натижасида давлат манфаатларига жами 215 млрд 648 млн сўм зарар етказилганлиги маълум бўлди.
Шунингдек, сўнги икки ойда криптоактив ва майнинг фаолияти бўйича электр энергиясидан ноқонуний фойдаланган истеъмолчиларни аниқлаш юзасидан ўтказилган назорат тадбирларида 42 та ҳолат аниқланди. Ушбу аниқланган ҳолатлар юзасидан электр таъминоти корхонаси томонидан жами 26 млрд 82 млн сўм (7 млн 999 минг киловатт/соат) миқдори қайта ҳисоб-китоб қилинди.
2024 йилнинг шу вақтига қадар истеъмолчилар томонидан энергия ресурсларидан фойдаланиш қоидаларини бузиш билан боғлиқ ҳуқуқбузарлик бўйича 1 484 та маъмурий иш расмийлаштирилди. Хусусан, ўтказилган назорат тадбирларида аниқланган ҳолатларнинг 795 таси электр энергияси, 689 таси эса табиий газдан фойдаланишда қоидабузарликка йўл қўйилганлиги маълум бўлди.
Изоҳ (0)