72 ёшли швед актёри, “Олтин глобус” мукофоти лауреати Стеллан Скарсгард “Дюна” фильмидаги барон Владимир Харконнен роли учун 8 соат вақт давомида грим қилинган. Бу ҳақда “Правила жизни” нашри маълум қилди.
“Бу жуда азобли, лекин арзийдиган иш эди”, — дейди Скарсгард. “Биз унинг характерини қаҳрамон экранда пайдо бўлиши билан томошабинларга ташқи кўриниши орқали ифода этишни истадик. Илк таассурот бутун фильм давомида сақланиб қолиши керак эди”, — дея қўшимча қилди актёр.
Стелланн фаолияти давомида бундай мураккаб гримга биринчи марта дуч келмади. У “Кариб денгизи қароқчилари” фильмида ирландиялик денгизчи Билл Тёрнер ролини ўйнаган. Фильмда қаҳрамон номаълум сабабларга кўра қароқчига айланади. Унинг таъсирли ташқи кўриниши учун 6 соатли грим меҳнати кетган.
“Суратга олиш майдонида ҳақиқий протезли актёр фақат мен эдим. Қолган барча актёрлар фильмни суратга олиш бошланишидан беш дақиқа аввал кемада пайдо бўлди, уларга 5 дақиқалик пардоз қилишар эди, холос. Мен 6 соат давомида гримчилар курсисида ўтирдим”, — дея сўзида давом этди актёр ва у доим визажистлар ишини томоша қилишдан завқланишини таъкидлади.
“Дюна” фильмининг иккинчи қисм 1 март куни илк бор АҚШда намойиш этилган ва уч кун ичида 81,5 миллион доллар тўплаган. Мазкур сиквел биринчи қисмининг даромадини деярли икки баравар оширди. 2021 йилда фильмнинг 1-қисми тақдимотида 41 миллион доллар фойда кўрган эди.
Изоҳ (0)