Қўқон ва Самарқандда TBC Talks аёл тадбиркорлигига бағишланган йиғилиш бўлиб ўтди

6–7 март куни Қўқон ва Самарқандда TBC Talks учрашувлари бўлиб ўтди. Улар Ўзбекистон ишбилармон аёллар уюшмаси “Тадбиркор аёл” билан ҳамкорликда ўтказилди.

TBC Talks Қўқон

6 март куни Энерзон коворкинг марказида муваффақиятли бизнес тадбиркорлар ва Халқаро Ишбилармон Аёллар Ассоциацияси экспертлари чиқиш қилишди. “Тадбиркор аёл” лойиҳа координатори Нигора Жамалова аёллар тадбиркорлигининг асосий жиҳатлари ва истиқболлари ҳақида сўз юритди. Уюшманинг бизнес-мураббийи Дилноза Одилбекова замонавий дунёда аёллар учун муаммолар ва имкониятлар ҳақида ўз нуқтаи назари билан бўлишди.

Уларнинг чиқишлари йиғилиш аъзоларида катта қизиқиш уйғотди, улар кўплаб саволлар бериб, муҳокамада фаол иштирок этдилар.

TBC Talks Самарқанд

7 март куни Ҳилтон Garden Инн меҳмонхонасида TBC Talks клубининг яна бир йиғилиши бўлиб ўтди. Мумтоз TOUR сайёҳлик агентлиги директори Назира Аманова бизнесда муваффақиятга қандай эришиш мумкинлиги ҳақида ўз ҳикояси билан ўртоқлашди. У ўз йўлида дуч келган қийинчилик ва имкониятлари ҳақида гапириб берди.

“Уникум Эдуланд” хусусий мактаби асосчиси Сабрина Рузматова билим ва нетворкингга сармоя киритиш муҳимлигини таъкидлаб, ўқитувчиликдан муваффақиятли бизнес эгасига ўтиши ҳақидаги ҳикояси билан йиғилиш аъзоларини илҳомлантирди.

“Биз Халқаро Ишбилармон Аёллар Ассоциацияси “Тадбиркор аёл” экспертлари ўз тажриба ва билимлари билан ўртоқлаша оладиган TBC Talks лойиҳасига қўшилганидан мамнунмиз. Тадбирларда Ўзбекистон тадбиркорлигида хотин-қизларнинг ўрни нақадар муҳимлиги, иштирокчилар учун янги имкониятлар очилаётгани алоҳида таъкидланди. Учрашувлар бизнесни ривожлантириш учун янги ғояларни излаш платформасига айланиб, мамлакатимизда тадбиркор аёллар — жиддий ўзгаришлар киритишга қодир ҳақиқий ҳаракатлантирувчи куч эканлигини тасдиқлади. Умид қиламизки, муваффақият ҳикоялари янада кўпроқ аёллар учун илҳом манбаи бўлиб, уларни ўз орзуларини рўёбга чиқариш ва тадбиркорлик ташаббусини фаол ривожлантиришга ундайди”, — дейди Халқаро Ишбилармон Аёллар Ассоциацияси “Тадбиркор аёл” минтақавий менежери Анжелика Огай.

Иккала учрашув ҳам ривожланиш ва бизнесда муваффақиятга интилаётган аёллар учун имконсиз нарсанинг ўзи йўқлигини кўрсатди. Тадбир иштирокчилари олган билим ва илҳом учун самимий миннатдорлик билдирдилар. Улар бундай учрашувлар дунёқарашни кенгайтириш, тажриба алмашиш ва янги фойдали алоқаларни йўлга қўйиш учун муҳимлигини таъкидладилар.
TBC Talks лойиҳаси ҳақида

TBC Talks — TBC Bank Uzbekistan муваффақиятли тармоқ платформаси. Унинг мақсади — бизнес ҳамжамиятини турли соҳалардаги мутахассислар билан таништириш. Халқаро тажриба алмашиш мумкин бўлган катта ҳамжамият яратиш.

Сайт: tbcbank.uz
Facebook: fb.com/tbcbankuz
Instagram: @tbcbankuzbekistan
Telegram: т.ме/тбc_банк_узб

Реклама ҳуқуқи асосида.