Сўнгги 24 соат ичида Ғазо сектори жануби ва марказида Исроил ҳарбий амалиётлари оқибатида камида 82 киши ҳалок бўлган. Бу ҳақда Al Jazeera нашри хабар берди.
Хабарда айтилишича, Нусейрат қочқинлар лагерига уюштирилган сўнгги ҳужумда камида 13 фаластинлик ҳалок бўлган. Фуқаролик мудофааси экипажлари ҳозирда вайроналар остидан барча қурбонларни олиб чиқиш устида иш олиб бормоқда. Қурбонлар ва ярадорлар сони ортиши мумкин.
Араб нашрлари берган маълумотларга қараганда, сўнгги 24 соат давомида Ғазода камида 82 нафар фаластинлик ўлдирилган. Яраланганларнинг умумий сони маълум эмас.
Манбада айтилишича, Ғазо жанубидаги Хон Юнус шаҳри ҳудудида бомбардимон қилиш давом этмоқда. Исроил кучлари Ҳамад турар жой маскани ҳудудидаги бир қанча минораларни нишонга олган.
Изоҳ (0)