Жиззах вилояти ҳокимининг қарори билан қаттиқ маиший чиқиндиларни тўплаш ва олиб чиқиб кетиш, чиқинди полигонларига жойлаштириш хизматлари бўйича янги тарифлар белгиланди. Бу ҳақда вилоят экология бошқармаси матбуот хизмати хабар берди.
Унга кўра,
- аҳолига бир ой учун бир одам бошига — 6000 сўм;
- хўжалик субъектларига 1 м3 учун — 60 000 сўм;
- ва бир тонна учун — 135 420 сўм;
- чиқинди полигонларига чиқиндиларни тўғридан тўғри жойлаштириш — 1 тонна учун 11 865 сўм этиб белгиланди.
Шунингдек, қўшимча қиймат солиғи билан бирга (2024 йилнинг 1 апрелидан бошлаб)
- аҳоли жон бошига — 6720 сўм;
- хўжалик субъектлари 1 м3 учун — 67 200 сўм;
- бир тонна учун — 151 670 сўм;
- чиқинди полигонларига чиқиндиларни тўғридан тўғри жойлаштириш — 1 тонна учун 13 289 сўм тўлайди.
Аввалроқ Жиззахда чиқинди полигони қурилиши юзага келган низо сабабли якунланмаётгани маълум қилинганди.
Эслатиб ўтамиз, Тошкент вилояти Оҳангарон тумани ҳудудида 2023 йил ноябрь ойигача янги маиший чиқинди полигони ташкил этилиши тўғрисида хабар берилган эди.
Шунингдек, мамлакатда 2024 йил 1 январгача янги юк ташувчи транспорт воситаларини (чиқинди ташиш машиналари ва самосваллар) импорт қилишда божхона божи ставкаси 5 фоиз миқдорида ўрнатилади ва улар утилизация йиғимидан озод қилинган.
Изоҳ (0)