Ғарбнинг гегемонлиги ниҳоясига етган, эндиликда янги дунё тартибини шакллантириш жараёни давом этмоқда, дея баёнот берди Венгрия бош вазири Виктор Орбан 5 март куни. Бу ҳақда “ТАСС” нашри хабар берди.
Бош вазир бир қатор сиёсий кучларнинг жаҳон иқтисодиётини геосиёсий блокларга бўлиб, бу масалада суверен позицияга эга бўлган давлатларга, жумладан, Венгрияга босим ўтказишга уринишларини қайд этганини маълум қилган. Бундай чигал тизим эса узоқ яшай олмайди.
“Ғарбнинг гегемонлиги ниҳоясига етди. Янги дунё тартиби туғилмоқда. Янги вазиятни доимий равишда баҳолаш ва таҳлил қилиш керак”, — деган Виктор Орбан.
Орбанга кўра, геосиёсат тушунчаси янги даврда янгича мазмун касб этиши мумкин. Янги давр эски мафкурадаги иттифоқларнинг парчаланиши ва янги бирлашмалар шаклланиши тарзида кечиши мумкин.
Изоҳ (0)