Фарғона вилояти ҳокими Хайрулло Бозоров Озарбайжоннинг АS Group Investment компаниялар гуруҳи бош директори Турал Сеидов раҳбарлигидаги ушбу компания бошқаруви вакилларини қабул қилди. Бу ҳақда вилоят ҳокимлиги матбуот хизмати хабар берди.
Маълум қилинишича, учрашувда компания томонидан Фарғона вилоятида қайта тикланувчи энергия манбаларини ривожлантириш, инновацион технологияларга асосланган мини ГЭСлар тармоғини яратиш, қурилиш маҳсулотлари ишлаб чиқариш бўйича инвестицион лойиҳаларни амалга ошириш масалалари муҳокама қилинган.
Мулоқот давомида вилоятимиз ҳудудидаги оқар сув манбаларида микро ва кичик гидроэлектр станцияларни жойлаштиришнинг техник имкониятлари АS Group мутахассислари томонидан ўрганиб чиқилишига ҳамда мини ГЭСларнинг техник параметрларини ишлаб чиқилишига келишиб олинган.
Фарғонага қурилиш соҳасига инвестициялар йўналтириш ҳамда қурилиш маҳсулотлари ишлаб чиқариш корхонасини барпо этиш бўйича ҳам АS Group Investment компанияси ўз лойиҳалари устида иш олиб бориши белгиланган.
Изоҳ (0)