4 март куни Ғарбий Соҳилнинг оккупация қилинган ҳудудида Исроил аскарлари 11 ёшли болани отиб ўлдирган. Бу ҳақда Al Jazeera нашри хабар берди.
Хабарда айтилишича, ҳодиса Наблус шаҳрининг жануби-ғарбидаги Бурин қишлоғида содир бўлган. Ўн бир ёшли Амир Нажжар бошидан ўқ ейиши оқибатида вафот этган.
Дастлаб Қизил ярим ой жамияти жароҳатланган бола ҳақида маълумот берган. Амир Нажжар хавфи жароҳат билан шифохонага жўнатилган. Аммо кўрилган чора наф бермаган.
Ҳарбийларнинг зўравонлиги туфайли яна икки киши жиддий жароҳатлангани хабар берилган. Кўкрагидан ўқ еган 19 ёшли йигит ва Исроил аскарлари томонидан жисмоний тажовузга учраган 30 ёшли эркак оғир аҳволда касалхонага ётқизилган. Беморлар тақдири ҳақида маълумот берилмаган.
Изоҳ (0)