Венгрия парламенти спикери Шандор Лежак Швециянинг НАТОга кириши ҳақидаги ратификацияни имзолади ва қонунни эълон қилиш учун президент девонига юборди. Бу ҳақда Reuters хабар берди.
Қонунчилар 26 февраль куни Швециянинг НАТОга киришини маъқуллаб, унинг узоқ йиллар давом этган тарихий ҳаракати олдидаги сўнгги тўсиқни бартараф этган.
Венгриядаги овоз бериш Швециянинг хавфсизлик сиёсатини қайта кўриб чиқишда бир неча ой давом этган кечикиш билан якунланган ва Швеция бош вазири Ульф Кристерссоннинг ташрифи ортидан, икки давлат қурол-яроғ бўйича келишув имзолаган. Венгрия Бош вазири Виктор Орбан ҳукумати НАТО иттифоқчилари томонидан босимга дуч келган. Венгрия президентига қонунни эълон қилиш учун беш кун муддат берилган.
Стокгольм Россиянинг 2022 йилда Украинага ҳужуми ортидан Шимолий Атлантика Шартномаси Ташкилоти доирасида хавфсизликни кучайтириш учун қўшилмаслик сиёсатидан воз кечган эди.
Изоҳ (0)