Тошкент вилояти Бекобод шаҳрида Аи-91 маркали бензин ёнилғисини ноқонуний муомалага киритилишининг олди олинди, деб хабар беради Бош прокуратура ҳузуридаги департамент.
Қайд этилишича, департаментнинг Бекобод шаҳар бўлими томонидан ИИБ ходимлари билан ҳамкорликда тезкор тадбир ўтказилган. Тадбирда Р.Р. исмли шахс (муқаддам судланган) ноқонуний даромад орттириш мақсадида фуқаро М.Х.га 2 минг литр Аи-91 маркали бензин ёнилғисини 22 миллион сўм ва 100 долларга сотган вақтида ушланган. Шунингдек, Р.Р. ушбу бензин ёнилғисини Бекобод шаҳридаги “Ғ.Ғ.” МЧЖга қарашли шохобчадан Isuzu русумли юк автомашинасида 200 литр ҳажмли идишларга қуйдириб олиб чиққани аниқланган.
Мазкур ҳолатлар юзасидан терговга қадар текширув ҳаракатлари ўтказилмоқда.
Январь охирларида Шавкат Мирзиёев бош вазир Абдулла Ариповга 2025 йилдан Аи-80 маркали бензиндан воз кечиш масаласини узил-кесил ҳал қилиш бўйича топшириқ берганди. Бир неча кун олдин эса Тошкент шаҳрида 5,6 тонна бензин ёнилғиси ноқонуний муомалага киритилишининг олди олинган эди.
Изоҳ (0)