“Спартак” футболчиси Дубайда қамоққа олинди

“Спартак” ҳужумчиси Квинс Промес Дубай полицияси томонидан 29 февраль куни қўлга олинган.

Аввалроқ Амстердам суди уни наркотик моддалар контрабандасида айблаб, 6 йилга озодликдан маҳрум этиш жазосини тайинлаган эди. Шундан сўнг футболчи халқаро қидирувга берилган.

Бундан ташқари, Квинс Промес қариндоши билан пичоқлашгани учун 1,5 йиллик қамоқ жазосига ҳам ҳукм қилинган. Промес ҳеч қайси судда иштирок этмаган ва жазоларни ўтамаган.

Шундай қилиб спортчини умумий 7,5 йиллик қамоқ жазоси кутмоқда.

Футболчи “Спартак” жамоаси билан БАА давлатида машғулотларда иштирок этган, аммо жамоа билан қайтишни режа қилганида “Ал Мактум” аэропортида ушланган ва Дубай полиция маҳкамасига олиб келинган.