Наманганда Ўзбекистондаги энг баланд томоша чархпалаги фойдаланишга топширилди (видео)

Наманган шаҳридаги “Афсоналар водийси” боғида Ўзбекистондаги энг баланд томоша чархпалаги фойдаланишга топширилди. Бу ҳақда “Дарё” мухбири Азизбек Абдувалиев хабар бермоқда.

Чархпалакнинг баландлиги 92 метр, жами 54 та кабинага эга. Бир пайтнинг ўзида 216 кишига хизмат кўрсатиши мумкин.

Кабиналар 4 кишига мўлжалланган, фавқулодда ҳолатларда оператор билан боғланиш ва ҳавони совитиш қурилмаларига эга. Уларнинг айланиш вақти эса 20 дақиқадан кўпроқ.

“Афсоналар водийси” боғида томоша чархпалагини ўрнатиш харажатлари 1 миллион долларни ташкил этди. Чархпалак бир кунда ўртача 8-10 минг кишига хизмат кўрсатиш имкониятига эга. Кириш чиптаси эса 35 минг сўм этиб белгиланган.