Тошкент вилояти ҳокими Зоир Мирзаев Чирчиқ шаҳридаги мактаб директорлари билан учрашувда ўқитувчилари ва ўқувчилари телефондан воз кечган мактабга 300 миллион сўм пул мукофоти беришини маълум қилди. Бу ҳақда “Дарё”га вилоят ҳокимлиги ахборот хизмати раҳбари Беҳзод Қобулов хабар берди.
Таъкидланишича, вилоят ҳокими раислигида Чирчиқда таълим кенгаши йиғилиши бўлиб ўтган. Унда сўз олган ҳоким вилоятда “Телефонсиз мактаб” ташаббусини илгари сурган.
-81ocR_YQ.jpg)
“Телефонсиз мактаб” деган ташаббусни амалга оширган мактабга 300 миллион сўм пул бераман. Гап-сўзсиз. Мен пул бераман, шу ишни қилганларни рағбатлантирмоқчиман, — дейди вилоят ҳокими бу ҳақда гапирар экан.
Вилоят ҳокими мактаб жамоаси бу пулни ютса, қандай сарфлаш ўзларининг ихтиёрида эканини қўшимча қилган.
Зоир Мирзаев тадбир давомида мактаб ўқувчиларининг олий ўқув юртларига кириш кўрсаткичлари юқори бўлган — Нурафшон, Ангрен ва Оҳангарон тумани халқ таълими бўлим мудирларига 12 миллион сўмдан мукофот пули берган.
Изоҳ (0)