Тошкент вилоятининг Нурафшон туманида суд мажлиси ўтказилмасдан ҳужжат қабул қилингани аниқланди. Судьялар олий кенгаши ҳолатга изоҳ берди.
Унга кўра, ижтимоий тармоқларда Нурафшон туманлараро маъмурий судининг судьяси ўтказилмаган суд мажлисини гўёки бўлиб ўтган, дея қайд этиб, тегишли суд ҳужжати қабул қилингани, ушбу ҳолат бўйича судьянинг ҳаракатларига ҳуқуқий баҳо берилиши шартлиги ҳақида хабарлар тарқалмоқда. Мазкур ҳолат юзасидан ўз вақтида хизмат текшируви ўтказилиб, Тошкент вилоят судлари судьялари малака ҳайъати қарори билан судьяга нисбатан интизомий жазо чораси қўлланилгани айтилди.
Мазкур қарордан норози тараф Судьялар олий малака ҳайъати ва Судьялар олий кенгашига шикоят қилиш ҳуқуқига эгалиги қайд этилган. Шикоят белгиланган тартибда кўриб чиқилади.
Изоҳ (0)