Фарғона вилоятининг Бешариқ туманида қум-шағал аралашмасини ноқонуний қазиб олиш ҳолати аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти матбуот хизмати хабар берди.
Маълум қилинишича, ўтказилган терговга қадар текширувда “С.қ” МЧЖ раҳбари Й.Б. (муқаддам судланган) ва бошқалар тумандаги Кичик ва ёшлар саноат зоналарини бошқариш дирексияси ҳудудидан ажратилган 25,6 минг кв метр ер майдонида шартнома шартларига асосан ишлаб чиқариш фаолиятини йўлга қўймасдан, ушбу ҳудуддан ўзбошимчалик билан 65,4 минг куб ҳажмдаги қум-шағал аралашмасини қазиб олиб, давлат ва жамият манфаатларига 1,5 млрд сўм зарар етказганлиги аниқланган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)