Мажбурий ижро бюроси Тошкент вилояти бошқармаси томонидан қидирувдаги қарздор шахсларни ва уларнинг мол-мулклари турган жойини аниқлаш ва топиш борасида ишлар амалга оширилмоқда, деб хабар бермоқда МИБ матбуот хизмати.
Маълум қилинишича, МИБнинг Тошкент вилояти бошқармаси қидирув бўлими ходимлари томонидан Юқоричирчиқ туман бўлими иш юритувидаги қарздор “Э.Г.А.” МЧЖдан, ундирувчи Grand Road Materials МЧЖ фойдасига 3 млрд 40 млн сўм ҳамда яна бир ундирувчи корхона фойдасига 1,3 млрд сўм қарз ундириш ҳақидаги ижро ҳужжатлари бўйича олиб борилган ижро ҳаракатлари давомида қарздор корхоналарга тегишли мол-мулкларни қидириб топиш бўйича тезкор тадбир ўтказилган.
Натижада қарздор МЧЖ га тегишли автотранспорт ва махсус техника воситалари топилиб, жарима майдончасига қўйилган.
Берилган ихтиёрий муддат ичида қарздорлик бартараф этилмаса, аукцион орқали сотувга чиқарилади.
Изоҳ (0)