Тошкент шаҳрининг Учтепа туманида ҳаракатдаги Orlando автомобилининг мотор қисмида ёнғин чиқди. Бу ҳақда пойтахт ИИББ Йўл ҳаракати хавфсизлиги бошқармаси матбуот хизмати хабар берди.
Қайд этилишича, 26 февраль куни тахминан соат 08:15 ларда Учтепа тумани Кичик ҳалқа йўли кўчаси 16-уй қаршисида ҳаракатланиб кетаётган 20 ёшли М.О. бошқарувидаги Orlando русумли автомашинанинг мотор қисмида электр симларининг қисқа туташуви натижасида ёнғин содир бўлган. Ёнғин фавқулодда вазиятлар бошқармаси ходимлари томонидан ўчирилган. Ёнғин оқибатида тан жароҳати олганлар йўқ.
“Ҳайдовчилардан транспорт воситаларининг техник ҳолатини ўз вақтида кўрикдан ўтказишларини ҳамда белгиланган қоидаларга риоя қилишларини сўраб қоламиз”, — дейилади хабарда.
Эслатиб ўтамиз, 2023 йилнинг декабрида Тошкент вилоятида ҳаракатдаги Lacetti ёниб кетганди. Ундан олдинроқ Андижон вилояти Шаҳрихон туманида Cobalt машинаси ёниб кетгани, Андижонда йўл четида турган Nexia’да ёнғин чиққани, Қамчиқ довонида лак-бўёқ ортилган юк машинаси ёниб кетиши оқибатида бир неча киши жабрлангани тўғрисида хабар берилганди.
Изоҳ (0)