Кўплаб Голливуд юлдузлари фильмда суратга тушиб бўлгач, қаҳрамонининг кийимларини эсдалик сифатида ўзлари билан олиб кетишга қарор қилишади.
Риз Уизерспун
Актрисанинг энг ёрқин роли “Қонундаги малласоч” фильмидаги Элл Вудс бўлиб, у жуда замонавий қиз бўлади. Шунинг учун Риз стилистларга ортиқча пул сарфламаслик учун гардеробини ўзи тўлдиришга қарор қилади. Уизерспун “Қонундаги малласоч 2” фильмидаги Эллнинг деярли барча кийимини қўлга киритади — унда Jimmy CHoo брендига тегишли 77 жуфт пойабзал ҳам бор эди. Юлдуз ушбу бандни суратга олиш шартномасига киритиб қўйган.
Роберт Паттинсон
Роберт Паттинсон “Сумерки” сериалидаги вампир ролини очиқчасига ёқтирмаслигини айтган бўлса ҳам, у фильмдан хотира сифатида ўзи кийган пижамани олиб қолган.
Сара Жессика Паркер
Керри Бредшоу — ҳақиқий мода тимсоли бўлиб, унинг шкафига барча қизлар ҳавас қилади, ҳатто у каби кийинишга ҳаракат қилишади. Эҳтимол, бир кун Керри музейига ташриф буюриш мумкин бўлар, чунки Vogue журналига берган интервьюсида Паркер қаҳрамонининг барча кийимларини сақлаб қўйганини айтади. Актриса ўз бойлигини махсус хонада сақлайди, у ердаги барча либос ва пойабзал лар сериалларга қараб ажратилган.
Женнифер Лоуренс
Жасур мерган Китнисс Эвердин роли Женнифер Лоуренсга оламшумул шуҳрат ва миллионлаб мухлислар армиясини олиб келди. Лоуренс ўз фаолиятидаги бурилиш даврининг эсдалик совғаси сифатида қаҳрамони фильм давомида кийиб юрган чарм куртка ва этикларни сақлаб қўйган.
Изоҳ (0)