Тошкент вилояти ҳокими Зоир Мирзаев хорижлик амалдорнинг Ўзбекистон тинчлиги ҳақида айтганларини ёдга олиб, унга “Сен қандай бахтли одамсан, қандай бахтли мамлакатда яшаяпсан. Кечқурун 9-10 да кўчада бемалол юрибсан, мен кун ботганидан кейин юрмайман. Менинг хавфсизлигимга ҳеч ким кафолат бермайди деди”, деганларини ёдга олди. Бу ҳақда “Дарё”га ҳокимлик ахборот хизмати раҳбари Беҳзод Қобулов хабар берди.
Мен кўп айтиб бераман, бир пайтлар Самарқандда ишлаганимда Афғонистон энергетика вазири зиёратга келганди. Кутволдик. Қўриқчилари бир йигирматача эди. Меҳмонхонадан чиқиб, Регистонга борамиз деб, пастга тушсак, тахминан 10 тача автоматчилар турибди-да. Мен нима булар десам, “Булар менинг қўриқчиларим”, дейди. Қўйсангчи, одамларни қўрқитма, булар милтиқни кўрмаган, қайсидир давлатда уруш бўлганини эшитганмиз. СССР пайтида ота-болаларимиз Ватан ҳимояси учун қурол ушлаган. Ундан кейин қурол ҳақида биз мактабдаги дарсда кўрганмиз. Одамларни қўрқитмагин дедим. “Пиёда кетамиз, сен кафолат берасанми”, деди, мен “кафолат бераман дедим”, — дейди Зоир Мирзаев воқеа ҳақида гапирар экан.
Ҳокимнинг айтишича, шундан сўнг Афғонистон вазири ва у Регистонгача пиёда борган.
Қуролларни қолдириб, Регистонга бордик. Регистонга боргунча ҳамма ассалому алайкум ҳоким бува, ассалому алайкум, салом алик. Бу кишида мана бу еригача соқол. 68 кирган одам. Лекин чаққон. Регистонга кириб келганда тумонат одам. Кечки пайт. Кун ботарда борганмиз. Регистонда ҳалиги шоу-панарама бўларди. Қўйиб берилади. Шуни кўряпмиз, мен унга гапиряпман, чой ичиб ўтирибмиз. Атрофимизда минглаб одам турибди. У гапирмайди-да. Мен унга ёқмаяпти деб ўйладим. Ёши катта одам, меҳмоннинг кўнглига қараймиз. Бу қонимизда бор, келса жонимизни ҳам берамиз. Таржимонга ёқмаяпти шекилли дедим. Таржимон эса “йўқ, ёқмаяпти эмас, у йиғлаяпти”, деди. Кейин чиқдик. Ярим йўлга келгунча гапирмади. Кейин ярим йўлда “Биласанми сен қандай бахтли одамсан, қандай бахтли мамлакатда яшаяпсан? Лекин мен бугун кун ботганидан кейин кўчага чиқолмайман”, деди. “Сен кечқурун 9-10 да кўчада юрибсан, мен кун ботганидан кейин юрмайман, менинг хавфсизлигимга ҳеч ким кафолат бермайди”, деди. “Ўзимнинг ёнимда турганлар ҳам мени ўлдиришига ишонаман, бизда замон шунақа” деди, — дейди Зоир Мирзаев воқеани эслар экан.
Ёдга олинишича, ўша вазир ҳокимга ҳар куни уйқига ётар пайти ва тонгда тириклиги учун Аллоҳга сажда қилиб, шукрона айтишини ҳам гапириб берган.
Мен овқатимни еганимдан кейин, кун ботганидан сўнг бола-чақам билан подвалда, бункерда ухлаймиз деди. Ухлашдан олдин бир соат Худога нола қиламиз, эрталаб тирик уйгониш учун. Эрталаб туриб, бир соат бутун оила билан Худога сажда қиламизки, тирик уйғотганига раҳмат деб, деди, — дейди Зоир Мирзаев.
Изоҳ (0)