Марказий банк хорижий валюталарнинг ўзбек сўмига нисбатан 23 февралда амалда бўладиган қийматини эълон қилди.
Унга кўра, доллар 12,97 сўмга кўтарилиб, 12 508 сўм бўлди. Евро 80,30 сўмга ошиб, 13 574,93 сўм бўлди. Рубль 0,82 сўмга пастлаб, 134,31 сўмни ташкил этди.
-qAyXsXOo.jpg)
Долларнинг ўзбек сўмига нисбатан расмий курси илк бор 12 500 сўмдан ошди. Ушбу валюта курси 2024 йил 11 январдан буён 12 400 сўмдан юқори бўлиб турганди. Тижорат банкларида эса доллар курси февраль бошларидаёқ 12 500 сўмдан ошганди.
2023 йилнинг 10 август куни АҚШ валютасининг расмий курси биринчи маротаба 12 минг сўм чегарасидан ўтганди. Марказий банк асосий савдо-ҳамкор давлатлар миллий валюталарининг сезиларли қадрсизланиши ички валюта бозоридаги таклиф ҳажмига салбий таъсир кўрсатганини билдирганди.
Шунингдек, келгусида алмашув курсининг кескин қадрсизланишини олдини олиш бўйича етарли инструментлар мавжудлигини, зарур ҳолларда қўшимча интервенсиялар амалга ошириш орқали тебранишлар юмшатиб борилишини маълум қилганди.
Изоҳ (0)