Россия президенти Владимир Путин 21 февраль куни бир қанча аскарларни Авдеевка ва Запорожье ҳудудлари учун жангларда кўрсатган жасорати учун тақдирлади. Бу ҳақда рус нашрларига таяниб, CNN хабар берди.
Аввалроқ Украина ҳарбийлари Авдеевка шаҳрини тарк этгани маълум қилинган эди. Бу воқеадан сўнг рус армияси шаҳарни осонликча қўлга киритган.
Хабарга кўра, Россия раҳбари Москва ташқарисидаги Чкаловский аэродромига ҳаво-космик кучлари аскарларини давлат мукофотлари билан шахсан тақдирлаш учун борган. Аэродромда Россия раҳбарини мудофаа вазири Сергей Шойгу кутиб олган.
Маросимда аскарларга мурожаат қилар экан, Путин уларга “топшириқларни бажаришда юксак маҳорат кўрсатгани” учун миннатдорлик билдирган.
Аввалроқ Россия Мудофаа вазирлиги Россия армияси қўмондони, армия генерали Валерий Герасимов Украина шарқидаги фронт чизиғи атрофидаги ҳарбий қисмга ташриф буюрганини маълум қилга эди. Герасимов у ерда Авдеевкага ҳужумда қатнашган бир қанча аскарларга мукофот топширгани айтилган.
Изоҳ (0)