Роль учун 100 млн доллар: жаҳон киноси тарихида энг кўп гонорар олган актёрлар

Аксарият актёрлар ўртача маош олса-да, Голливуднинг бу машҳурлари ҳар бир роли учун юзлаб миллион доллар ишлаб топиши мумкин.

Том Ҳенкс — “Форрест Гамп” (1994)
Гонорар: 60 миллион доллар

Машҳур актёр Том Ҳенкс Роберт Земекиснинг “Форрест Гамп” фильмидаги юлдузли роли учун 60 миллион доллар олган. “Форрест Гамп” дунё бўйлаб тахминан 680 миллион доллар даромад келтиргандан сўнг, Ҳенкс фильм умумий даромадининг деярли 10 фоизини ташкил қилган катта гонорар олишга муваффақ бўлади.

Адам Сэндлер — “Сирли қотиллик” (2019)
Гонорар: 62,5 миллион доллар

Адам Сэндлер Netflix билан тўртта фильмни суратга олиш бўйича шартнома тузади, бу эса унга 62,5 миллион доллар миқдорида ақл бовар қилмайдиган гонорар келтиради. Шартнома Сэндлерга 250 миллион доллар, яъни ҳар бир фильм учун 62,5 миллион доллардан ишлаб топиш имконини беради.

Ҳаррисон Форд — “Индиана Жонс ва биллур бошсуяги қироллиги” (2008)
Гонорар: 65 миллион доллар

Маълумотларга кўра, Форднинг гонорари “Индиана Жонс ва тақдир чархпалаги” (2023) қисмида кескин қисқартирилган эди, лекин у “Индиана Жонс ва Биллур бошсуяклар қироллиги” фильмида 65 миллион доллар ишлаб топган.

Жонни Депп — “Алиса ажойиботлар мамлакатида” (2010)
Гонорар: 68 миллион доллар

2010 йилда Депп 68 миллион долларга тенг бўлган 50 миллион Британия фунт стерлинги эвазига “Алиса ажойиботлар мамлакатида” фильмида суратга тушиб, Голливуддаги энг кўп маош олувчи актёрга айланади.

Сандра Буллок — “Гравитация” (2013)
Гонорар: 70 миллион доллар

Сандра Буллокка “Гравитация” фильмидаги роли учун 70 миллион доллар миқдорида аванс сифатида гонорар тўланади, лекин актриса анча катта сумма ишлаб олади — шартномага кўра у умумий касса йиғимининг 15 фоизига эгалик қилади.

Том Круз — “Уддалаб бўлмас топшириқ: Фантом протоколи” (2011)
Гонорар: 75 миллион доллар

Фильмдаги Итан Ҳант роли Том Крузга 75 миллион доллар олиб келади. Крузнинг “Фантом протоколи” фильми учун берилган гонорари унга 2012 йилда Forbesнинг энг нуфузли актёрлар рўйхатида биринчи ўринни эгаллашига имкон беради.

Kиaну Ривз — “Матрица” (1999)
Гонорар: 83,3 миллион доллар

Kиaну Ривз “Матрица” франшизасига тегишли барча фильмлар учун тахминан 250 миллион доллар ишлаб топган, яъни ҳар бир қисм учун 83,3 миллион доллардан. Шу билан бирга, ўзининг хайрия фаолияти билан машҳур бўлган актёр гонорарнинг катта қисмини лейкемияга чалинганларга ёрдам кўрсатувчи ташкилотларга хайрия қилади.

Уилл Смит — “Қора либосли одамлар 3” (2012)
Гонорар: 100 миллион доллар

Актёрлар ўртасида одат тусига кирганидек, Уилл Смитнинг “Қора либосли одамлар 3” фильми ижодкорлари билан келишуви уни дастлабки маоши ва касса йиғимининг бир қисмини қўшиб тўлашни кўзда тутганди. Бундай келишув билан Смит Голливуднинг энг кўп ҳақ тўланадиган актёрларидан бирига айланади.

Том Круз — “Топ Ган: Маверик” (2022)
Гонорар: 100 миллион доллардан ортиқ

Том Круз “Топ Ган: Маверик” драматик ҳарбий фильмида суратга тушиш орқали 100 миллион доллардан кўпроқ пул ишлаб топади. Круз ўзи учун фойдали келишувга эришади, бу унга жумладан фильмнинг глобал кинопрокатдаги шов-шувли муваффақияти сабабли бойиб кетишига имкон берди. Ҳозиргача Том Круз барча вақтларнинг энг кўп ҳақ тўланган актёри ҳисобланади.