Машҳурларнинг энг қиммат уйлари: эртакнамо ҳашамат ичида яшайдиган жаҳон юлдузлари (фото)

Тасаввур қилинг-а, қуёш ботаётганда, боғга олиб борадиган мармар зинапоялардан пастга тушасиз, қулай креслода ўтириб, хушбўй атиргуллар манзарасига қойил қоласиз... Ёқимли, шундай эмасми? Кўпгина Голливуд юлдузлари учун бу ҳолат таниш. Зеро, уларнинг маҳобатли масканлари ҳар сонияда, ҳар бир деталда бахт, осойишталик ва ҳашаматни ҳис этиш учун айнан шундай яратилган. Қуйида ажойиб интерьери ва ландшафтларга эга машҳурларнинг энг қиммат кошоналарини эътиборингизга ҳавола этамиз.

Кайли Женнернинг Лос-Анжелесдаги курорт уйи

Телеюлдуз Кайлининг қароргоҳи бугунги кунда 37 миллион долларга баҳоланмоқда. Ҳашаматли уй 7 та ётоқхона, 14 та ҳаммом, 20 та машиналар учун жой, уй кинотеатри ва шунчаки улкан сузиш ҳавзасига эга.

Эллен Деженерес томонидан XVII аср вилласи

Эллен кейинчалик қайта сотиш мақсадида қиммат виллалар капиталини кўпайтиришни афзал кўради. Шунингдек, фойдаланиш учун ушбу италян ҳудудини Тоскана услубида қолдиришга қарор қилди. Ушбу тепаликдаги ҳашаматли уй телебошловчига 45 миллион доллар олиб келиши мумкин.

Томми Ҳилфигер қасри

Ўзининг ажойиб кўринишига қарамай, қаср атиги 6 та ётоқхона, 7 та тўлиқ ва 3 та ярим ҳаммом ва 6 та каминдан иборат. Ташқи тарафда боғда ҳайкалтарошлик тўсиқлари, фавворалар ва теннис майдони мавжуд.

Том Крузнинг шаҳар четидаги уйи

Том Круз Голливуд шовқинидан чарчаганида, вақтинча Теллуриайд чеккасидаги қорли ёнбағирларга қараган уйига кўчиб ўтади. Юлдузнинг “кулба”си актёрга иш ҳақидаги фикрлардан бутунлай қочишга ва масалан, спорт билан шуғулланишга имкон беради. Сарой ҳудудида хоккей, теннис, баскетбол майдончалари ва ҳатто хусусий мотокросс йўли мавжуд.

Жей З ва Бейонсенинг саройи

Машҳурларнинг энг қиммат қасрларини ушбу жуфтликнинг ультразамонавий мулки билан таққослаб бўлмайди. 88 миллион долларлик мулк 8 та ётоқхона, 11 та ҳаммом, 15 та машинага мўлжалланган гараж, тўртта бассейн ва баскетбол майдонини ўз ичига олади. Бу ҳашаматнинг барчаси ўқ ўтказмайдиган ойналар ва улкан дарвозалар орқасида яширинган.

Жорж Клунининг италянча орзуси

Жорж Клунининг Комо кўлидаги вилласи қандайдир махфий объект эмас. Аксинча, актёр суратга олиш учун ҳашаматли жой керак бўлганда ўз уйини режиссёрлар ва реклама берувчиларга тақдим этишдан катта завқ олади. Олеандра вилласида жами 25 та хона, жумладан, спорт зали, очиқ осмон остидаги кинотеатр ва албатта, “пицца хонаси” мавжуд. Ахир, бу Италия-ку!