G20 давлатлари йиғилишида геосиёсий масалалар муҳокамаси қисқариши мумкин, чунки аъзолар кўплаб келишмовчиликларга дуч келмоқда. Украина ва Ғазодаги уруш баҳснинг асосий мавзуларидан биридир. Бу ҳақда Bloomberg хабар берди.
Bloombergга кўра, 21—22 февраль кунлари бўлиб ўтадиган учрашув олдидан Жанубий Африка ва Бразилия расмийлари Исроилнинг Ғазодаги урушда фаластинликлар геноцидга учраётганини айтган. G20 нинг бошқа аъзолари, жумладан, Қўшма Штатлар ва Германия бу фикрни рад этган.
G20 нинг айрим давлатлари учрашувда геосиёсий можаролар, жумладан, Украинадаги ҳарбий ҳаракатлар муҳокамасидан воз кечишга чақирган. Бразилия G20 нинг қўшма баёнотида Исроил геноциди бўйича уларнинг позицияси акс этишини хоҳламоқда.
2023 йил июль ойида йиғилишда G20 давлатлари молия вазирлари Украина масаласидаги келишмовчиликлар туфайли якуний қарорга эриша олмай, Россия ва Хитойнинг позициялари алоҳида таъкидланган. Октябрдаги йиғилишда коммюнике томонлар ўртасида келишиб олинган эди.
Изоҳ (0)