Париждаги сайёҳлар ҳозирча Эйфель минорасига кира олмайди. Франциянинг асосий аттракциони ишчилари иш ташлаш эълон қилди. Улар минора учун ажратиладиган маблағни қайта кўриб чиқишни талаб қилмоқда, деб хабар беради “MIR 24”.
Касаба уюшмаси вакиллари шаҳар ҳокимияти таъмирлаш ишларининг нархини кам баҳолаётганини ва кутилаётган фойдани ошириб кўрсатаётганини маълум қилди.
Бундан ташқари, пандемиядан кейин сайёҳлардан тушган даромад 120 миллион еврогача камайди. Эйфель минораси ишчилари иш ташлашни йил охиригача давом эттириш билан таҳдид қилмоқда. Бу минора Олимпия ўйинлари давомида ёпилишини англатади.
Расмийлар келишувга эришишга ҳаракат қилмоқда. Ҳозирча сайёҳлар минорага чиқа олмасдан, фақат унинг олдида суратга тушишлари мумкин.
Изоҳ (0)