Жиззах вилоятида 1 мартдан ичимлик ва оқова сув хизматлари нархи оширилади

Жиззах вилоятида 1 мартдан ичимлик ва оқова сув хизматлари бўйича янги тарифлар белгиланади. Бу ҳақда “Ўзсувтаъминот” матбуот хизмати хабар берди.

Таъкидланишича, 14 февраль куни Халқ депутатлари вилоят кенгаши томонидан ичимлик суви таъминоти ва оқова сув хизматлари учун янги нархлар тасдиқланган.

Бунда таклиф этилаётган барча нархлар ҚҚСсиз ҳисобланган.

Қайд этилишича, кейинги беш йилда вилоятда марказлашган ичимлик суви билан таъминланиш даражаси 70,4 фоиздан 90 фоизга, канализация қамрови 15,5 фоиздан 71,2 фоизга етказилади. Бунинг учун 402,1 миллиард сўмга, 878,3 километр ичимлик суви ва 461 километр канализация тармоғи, шунингдек, 167 та сув ва 30 та канализация иншоотлари қурилиши режалаштирилган.

Бундан ташқари иш ҳақи, электр-энергия, солиқ тўловлари, хорижий кредитлар тўлови амалга оширилган бўлиб, жорий ва капитал таъмирлаш, тизимни модернизация қилиш ишларида ҳам сарф-харажатлар талаб этилади, — дейилади хабарда.

Бундан аввал Қорақалпоғистон Республикаси, Сирдарё, Фарғона, Самарқанд, Хоразм, Андижон, Қашқадарё, Сурхондарё ва Тошкент вилоятида ичимлик суви ва оқова хизматлар бўйича янги тарифлар тасдиқланганди.