Ретро фильмларнинг ихлосмандлари ўтган аср санъат намуналарини қайта-қайта томоша қилишдан чарчамайдилар. Масалан, Леонид Гайдайнинг “Иван Васильевич касбини ўзгартиради” фильмида яна бир хатолик кўзга ташланиб қолди.
1973 йилда кинотеатр экранларига чиққан ажойиб комедия режиссёр ва актёрлар гуруҳининг истеъдоди туфайли ҳанузгача барча ёшдаги томошабинларнинг севимли фильми бўлиб қолмоқда. Унда Шурикнинг рафиқаси Зинаида уйга қайтиши саҳнасида аквариум бир зумда ўзгарганини пайқаганмисиз?
Сюжетга кўра, шоҳ Иван Грозний ихтирочи Шурик хонадонига тушиб қолади ва у ерда вақтинчалик яшириниб туришга мажбур бўлади. Ҳеч нарсадан хабари йўқ Зиночка уйга қайтганда шоҳ ундан парда ортига беркиниб олади. Шунда кадрга аквариум тушади, аммо бир оз вақт ўтиб ичи лойқа сувга тўлган аквариум кейинги кадрларда умуман бошқа ҳолатда кўрсатилади. Энди аквариумдаги тоза, тиниқ сувда балиқлар сузиб юрганини кўрасиз.
Иккала кадрни солиштирсангиз, жараён бир неча секунд ичида рўй беради.
Изоҳ (0)