Россия қўшинлари Авдеевкада олдинга силжиди, Украина шаҳарни яқин кун ёки ҳафталарда бой бериши мумкин. Бу ҳақда Билд таҳлилчиси Юлиан Рёпке хабар берди.
Таҳлилчига кўра, рус қўшинлари Авдеевкада икки йўналишда (қуйида харитада сариқ билан белгиланган): жануби-шарқда ва шаҳар марказида муваффақиятли олға силжимоқда. Украина ҳарбийлари учун эса вазият кескинлашмоқда. Айниқда Россия армияси Украина ҳарбийларинининг (яшил ранг билан белгиланган) сўнгги таъминот йўлларидан бирида тахминан 200 метр узоқликда жойлашгани хавфли.
Жанубга бошқа йўл бор, лекин у ерда ҳам рус позициялари юзлаб метр узоқликда, Северное қишлоғига яқин жойлашган.
“Агар бу йўллар кесилса, шаҳар қуршаб олинади ва қулайди. Бу ҳали амалга ошмаган, лекин баъзилар бунга кунлар ёки ҳафталар қолганини тахмин қилмоқда”, — дейди Рёпке.
Унинг ҳисоб-китобларига кўра, Украина қуролли кучлари билан Россия армияси позициялари орасидаги йўлакнинг кенглиги 4,85 километргача қисқарган.
Россия қуролли кучлари артиллерия бўйича Украина армиясидан устунлиги туфайли муваффақиятли олдинга силжимоқда. Ҳозир тахминан 5:1. Россия 152 ва 122 мм артиллерия, “Град” реактив тизими ва миномётлардан фаол фойдаланади. Россиянинг устунлиги ҳавода ҳам сезилади. ФАБ-500, ФАБ-1000 ва ФАБ-1500 кучли портловчи бомбалар самолётдан ташланади. Украинада бу ҳужумларни қайтариш учун ҳаво ҳужумидан мудофаа тизимлари мавжуд эмас.
Бундан ташқари Украина армиясининг қуруқликдаги аскарлари етарли эмас, шунинг учун кўпинча рус пиёда аскарларининг олдинга силжиб келаётган гуруҳларига қарши фақат дронлар ишлайди.
Изоҳ (0)