АҚШ Сенати 13 февраль куни Украина ва Исроилга молиявий таъминот ажратишни назарда тутган 95,3 миллиард долларлик ташқи ҳарбий ёрдам тўғрисидаги қонун лойиҳасини қабул қилди. Бу ҳақда CNN нашри хабар берди.
Ташқи ёрдам пакети Украинани қўллаб-қувватлаш ва Исроилга хавфсизликни таъминлаш учун, шунингдек, Ғазо, Ғарбий Соҳил ва Украинадаги тинч аҳолига гуманитар ёрдам кўрсатиш учун миллиардлаб долларни ўз ичига олади.
Сенат тасдиқлаб берган ушбу қонунга Жамоалар палатаси спикери Майк Жонсон кескин эътироз билдирди. Жонсоннинг ўткир танқидларига қарамай, қонун лойиҳаси Сенат томонидан қабул қилинган. Лойиҳани танқид қилганлар орасида Дональд Трамп ҳам бор. Собиқ президент қонун лойиҳасига қарши эканлигини билдириб, мамлакат фақат кредит шаклида ташқи ёрдам бериши кераклигини маълум қилди.
Қонун лойиҳаси Украинани Россияга қарши курашда қўллаб-қувватлаш учун 60 миллиард доллар, Исроилга хавфсизликни таъминлаш учун 14,1 миллиард доллар, гуманитар ёрдам учун 9,2 миллиард доллар ва Ҳинд-Тинч океани минтақасидаги минтақавий шерикларни қўллаб-қувватлаш учун 4,8 миллиард долларни ўз ичига олади.
Изоҳ (0)