Қорақалпоғистондаги “Амударётех” МЧЖдан давлат фойдасига 7,7 млрд сўм солиқ қарздорлиги ундирилди. Бу ҳақда ЎзА хабар берди.
Маълум қилинишича, МИБ Қорақалпоғистон Республикаси Амударё туман бўлими иш юритувидаги Йирик солиқ тўловчилар бўйича ҳудудлараро солиқ инспекциясининг 2023 йил 4 декабрдаги қарорига асосан, қарздор “Амударётех” масъулияти чекланган жамиятдан давлат фойдасига 7,7 млрд сўм солиқ қарздорлигини ундириш белгиланган.
МИБ Амударё туман бўлими томонидан қарздор “Амударётех” МЧЖга ижро ҳужжати талабини бажариш учун 15 кунлик ихтиёрий муддат берилган. Берилган муддат ичида қарздор томонидан ижро ҳужжати талаби бажарилмаган. Шу сабаб қарздорнинг асосий банк ҳисоб рақамига инкасса қўйилган ва барча ҳисоб рақамлари ҳамда мол-мулкларига нисбатан чеклов ўрнатилган.
Натижада қарздордан ундирилиши лозим бўлган 7,7 млрд сўм солиқ қарздорлиги тўлиғи билан ундирилган.
Изоҳ (0)