Илон Маск АҚШнинг долларни қурол ва босим воситаси сифатида ишлатиш ҳақидаги қарорини хато ва нотўғри деб атади. У бу фикрини Х (собиқ Twitter) ижтимоий тармоғида билдирди.
“Биз долларни қуролга айлантириб, ҳаддан ошиб кетдик. Бу аҳмоқона ҳаракат эди”, — деб ёзади миллиардер.
Аввалроқ Россия президенти Владимир Путин журналист Такер Карлсонга берган интервьюсида ташқи сиёсий курашда доллардан фойдаланиш аҳмоқлик ва АҚШнинг энг ёмон стратегик хатоларидан бири эканини айтган эди.
“Сиёсий раҳбарият доллардан сиёсий кураш воситаси сифатида фойдаланишга қарор қилиши биланоқ, улар Американинг бу кучига зарба беришди. Мен адабий бўлмаган ибораларни ишлатмоқчи эмасман, лекин бу аҳмоқлик ва катта хатодир”,— деди Россия президенти.
Шунингдек, у АҚШнинг хатти-ҳаракатлари натижасида доллардаги валюта захиралари ҳатто иттифоқдошлари орасида ҳам камайиб кета бошлаганини қўшимча қилди.
Изоҳ (0)