Айни вақтда Шавкат Мирзиёев раислигида ижтимоий соҳадаги устувор вазифаларга бағишланган йиғилиш бўлиб ўтмоқда. Президент матбуот котибининг ёзишича, йиғилишда тиббиётдаги ҳам камчиликлар санаб ўтилган.
Давлат раҳбарига кўра, сўнгги етти йилда тизимда 7 та вазир алмашган, лекин соҳани рақамлаштириш, тиббий суғуртани жорий қилиш суст кечмоқда.
Республика марказлари билан бирламчи бўғин ўртасида интеграция йўқлиги қайд этилди.
Бош вазирга муҳокама қилинаётган соҳаларда вазирлар, вазир ва ҳоким ўринбосарлари фаолияти бўйича таклифларни киритиш, ҳар бири билан бир йиллик контракт тузиб, KPI белгилаш топширилди.
Президентнинг 2018 йил декабрдаги қарорида 2021 йилдан бошлаб мажбурий тиббий суғурта тизимини босқичма-босқич жорий этиш белгиланганди. 2020 йил ноябрида давлат раҳбари Сирдарё вилоятида тажриба-синов лойиҳаси доирасида давлат тиббий суғуртасини жорий этиш бўйича қарорни имзолаганди.
Изоҳ (0)