Жиноят ишлари бўйича Оққўрғон тумани суди раиси Санжар Исақуловга жарима интизомий чораси қўлланди. Бу ҳақда Судьялар олий кенгаши маълум қилди.
Тошкент вилоят судлари судьялари малака ҳайъати томонидан ўтказилган хизмат текширувида Р.Б. ва бошқаларга нисбатан чиқарилган суд ҳукми ёзилишида жиддий эътиборсизликларга йўл қўйилгани, хусусан, бепарволик оқибатида ҳукмнинг лойиҳа варианти “E-XSUD” электрон базасига киритилгани тасдиғини топган.
Қайд этилишича, хизмат текшируви якунлари Тошкент вилояти судлари судьялари малака ҳайъатида муҳокама қилинган ҳамда жиноят ишлари бўйича Оққўрғон туман суди раисига нисбатан маошининг 20 фоизи миқдорида жарима интизомий жазо чораси қўлланган.
Аввалроқ Жиноят ишлари бўйича Мингбулоқ тумани суди раиси 2000 доллар пора олган пайтда ушланганди. 2023 йилнинг сентябрида Ўзбекистон президентининг тегишли фармойишига мувофиқ, бешта вилоят судларининг раислари ўзгарганди. Бундан олдин Ўзбекистонда 6 нафар судья лавозимида ўзгариш рўй бергани, Қашқадарёда фуқаро ногиронлик нафақасини ололмай қолганига сабаб бўлган судьяга чора кўрилгани, Судьялар олий кенгашида бир қатор янги тайинловлар амалга оширилгани тўғрисида хабар берилганди.
Изоҳ (0)